Ուսումնական աշուն
Նախագծի մասնակիցներ՝ 4-5-րդ դասարանների սովորողներ
Նպատակը՝ Ծանոթացում, հաղորդակցային կարողությունների զարգացում
Խնդիրները՝
- Սովորողի գրավոր և բանավոր խոսքի ձևակերպման, հստակ արտահայտման հմտությունների մշակում:
- Ինքնարտահայտման կարողության զարգացում
- Ստեղծագործական, քննադատական, տրամաբանական, նկարագրական, վերլուծական մտածողության զարգացում:
- Ժամանակակաից տեխնոլոգիական հմտությունները կիրառելու և զարգացնելու կարողություն
Ահա իմ առաջարկած գրքերի ցանկը` (կարդալուց հետո պատասխանի’ր ցանկի վերջում տրված հարցերին)
- Նադեր Իբրահիմի «Փոքրիկ սիրտս ո՞ւմ նվիրեմ»
- Ղ․ Աղայան «Հնարագետ ջուլհակը»
- Ավ. Իսահակյան «Երգի հրապույրը»
- Ջեմս Գրինվուդ «Փոքրիկ շրջմոլիկը»
- Ջաննի Ռոդարի «Ջելսոմինոն խաբեբաների աշխարհում»
- Ջաննի Ռոդարի «Երկնագույն նետի ճանապարհորդությունը»
- Ջաննի Ռոդարի «Անտեսանելի Տոնինոյի արկածները»
- Աստրիդ Լինդգրեն «Երկարագուլպա Պիպին»
- Լուիս Քերոլ «Ալիսը հրաշքների աշխարհում»
- Վախթանգ Անանյան «Հովազաձորի գերիները»
- Լայամ Ֆրենկ Բաում «Օզի կախարդը»
- Էդուարդ Ուսպենսկի «Քեռի Ֆյոդորը, կատուն և շունը»
- Վ․ Սարոյան Իմ անունը Արամ է
Օգտվի՛ր, ընտրի՛ր ու կարդա՛ նաև այս «Ընթերցարան»-ից:
Եթե ունես նախընտրած գիրք, ապա կարող ես կարդալ քո ընտրած գիրքը։
- Եթե դեռ չունես, ուրեմն բլոգումդ բացի՛ր «Իմ գրադարանը» բաժինը և կարդացածդ գրքի (գրքերի) մասին պատմելիս նշի՛ր այս բաժինը:
2․Հարցեր, որոնց պետք է անդրադառնալ գիրքը կարդալիս
- Ո՞վ է գրքի հեղինակը (գտնել համացանցից տեղեկություններ նրա մասին, էլ ի՞նչ գրքեր է գրել):
Աղայանը մասնավորապես զբաղվել է տարրական ուսուցման հարցերով և մշակել մայրենի լեզվի ուսուցման ու գրագիտության մեթոդիկա։ Հենց այդ սկզբունքներով են կազմված նրա «Արևիկ» այբբենարանը, տարրական դպրոցի չորս տարիների «Ուսումն մայրենի լեզվի» («Մայրենի լեզու» Ա, Բ, Գ, Դ) դասագրքերը, իսկ «Ուսումն մայրենի լեզվի, պատկերավոր, այբբենարան և առաջին ընթերցարան»–ը 1875–1916 թվականների միջոցում լույս է տեսել 33 անգամ, գրեթե վերահրատարակվելով ամեն տարի։ Դրանցում ներկայացված են բանաստեղծություններ, պատմվածքներ, առակներ, հեքիաթներ և այլն։
1869 թվականի մայիսից ստանձնելով «Արարատ» հանդեսի խմբագրի պաշտոնը, առաջին իսկ համարում զետեղում է «Մի քանի խոսք մեր սիրելի ազգակիցներին» առաջնորդող հոդվածը, նվիրված աշխատանքի գովքին։
- Ո՞վ էր գրքի հերոսը, ինչպիսի՞ն էր նա: Դու նմա՞ ես այդ հերոսին, թե՞ ոչ։ Եթե նման ես, ապա ինչո՞վ, պատմի՛ր։
- Ի՞նչ սովորեցիր այս գրքից:
- Գիրքը քեզ դո՞ւր եկավ, ինչպե՞ս կներկայացնես այս գիրքը, որ քո ընկերներն էլ ցանկանան այն կարդալ:
Այս հարցերին կարող ես պատասխանել ոչ միայն պատումների, այլ նաև ռադիոնյութի կամ տեսանյութի միջոցով։
3. Աշնանային տեսանյութի ստեղծում
Գունե՜ղ, գեղեցի՜կ, խո՜ր աշուն է… Ինչպես Սահյանն է ասում, «…ամեն, ամեն ինչ ոսկեզօծվել է…»: Պատրաստի՛ր աշնանային ընտանեկան տեսանյութ՝ ներկայացնելով աշնանային բանաստեղծություններ (քո ընտրությամբ):Տեսանյութդ նկարելու համար ընտրի՛ր ձեր բակի կամ մոտակա այգու աշնանային ամենասիրուն հատվածը, տեսարանը: Նկարելուց հետո տեղադրի՛ր youtube-ում, ապա հղումը տեղադրի՛ր բլոգումդ:
Комментарии
Отправить комментарий